1443/2022-2023 

Aizawl, the 2nd August 2022: Mizoram Youth Commission leh Central Young Mizo Asossiaton chuan Mizo thalaite cement mistiri training-na tur buatsaih chungchangah vawiin August ni 2, 2022 chawhnu dar 2:00 khan Thawhhona Thuthlung an ziak.

MYC Conference Hall-a Thuthlung ziahnaah hian MYC aiawhin Dr.Vanlaltanpuia MLA & Chairman, MYC in hming a ziak a, CYMA  aiawhin  Pu.R.Lalngheta, President CYMA in hming a ziak bawk a ni. MYC chuan CYMA hnenah sum Rs 10.65 lakh pein CYMA-a Training and Youth Affairs  lam hian cement mistiri training  Mizo Thalai te tan an lo buatsaih dawn a ni.

He Thuthlung ziah inkhawm tawiah hian Dr.Vanlaltanpuia Chairman, MYC chuan thusawiin MYC in Mizo thalaite hmasawnna leh eizawnna an hmuh theihna tura hma a lak mek thu sawiin, tunhnaia Super IAS 40 programe hnuaia IAS Coaching Delhi a full sponsorship pe a kal tura a thlante pawh August ni 4, 6 leh 9 – ah te hian Delhi pana an chhukthlak dawn tawh thu a sawi bawk. CYMA te pawh sawrkarin thalaite hmasawnna kawnga hma a lakna ah thawhpui tur in a sawm nghal a ni. 

He thuthlung ziah inkhawmah hian MYC officials te bak ah CYMA Office Bearers te leh CYMA hnuaia Training and Youth Affairs Sub-Commitee OB te an tel kim hle.