978/2022-2023
Kolasib dated 21st June 2022: Vawiin khan DC Conference Hall, Kolasibah District Water & Sanitation Mission chuan ‘Jal Shakti Abhiyan: Catch the Rain Campaign’ kalpui dan tur relin thutkhawmna an nei a. Pu John LT Sanga, Deputy Commissioner chuan hun kaihruaiin Kolasib district chhung a ruah tui khawl kawnga hmalak dan tur hrang hrangte ngaihthlak a ni.

Thutkhawmnaah hian Thingdawl leh Bilkhawthlir RD Block hnuai a ruah tui khawl tur a hmalakna kalpui dan te, Environment, Forest & Climate Change Department hnuai a tui hna humhalh tur a hmalakna leh Irrigation & Water Resources Department hnuai a Kolasib district chhunga tui hna awm zirchian a nih dan te ngaihthlak a ni a. Ruahmanna awmsa te zirchian a, ruah tui khawl kawnga hmasawnna sawt zawk a awm theih nan ‘Jal Shakti Abhiyan : Catch the Rain Campaign’ chu kalpui tur a rel a ni.

He hun ah hian Divisional Forest Officer, Project Director, DRDA, Chief Medical Officer, District Education Officer, District Agriculture Officer, District Information & Public Relations Officer, Executive Engineer, PHED leh I & WR leh BDO, Thingdawl leh Bilkhawthlir te an tel a ni.