No.1199/2020-2020

I. MIPUI PAWN CHHUAH CHUNGCHANG:
1) Village Level Task Force-ten mahni huamchhungah theuh mipui pawn chhuak te’n social distance an zawm ngei a ni tih an enfiah thin ang.

2) Mipui pawn chhuak apiangin Social Distancing tha takin an zawm tur ani a, mask (hmaituamna) pawh vuah vek tur a ni ang. Hei hi VLTF te’n zawm a ni ngei em tih an enfiah thin bawk ang.

3) Zan dar 7:00PM atanga zing dar 4:00PM inkarah, tul bik thilah chauh lo chuan tumah pawn chhuah loh ni se.

II. MIPUI PUNKHAWM CHUNGCHANG:
1) Mipui punkhawm theihna chi reng reng khap tlat a ni.

2) Inneih inkhawm leh mitthi in lenpuina ah mi 20 aia tamlo tel theih ani anga, Social distancing tha taka zawm tur a ni ang.

3) Khawhar in/ Mitthi lumenna ah zai loh hram tum tur a ni.

4) Inneih lawmna, lungphun, anniversary etc. mipui punkhawm theihna ang chi reng reng khap tlat a ni.

III. BUNGRAW ZAWRH TUR LAK CHUNGCHANG
1) Kolasib atanga phai lama bungraw la driver-te tan quarantine center bik siam tur ani ang a. Center ruat bik atang hian driver te’n bungrua an la thei anga. Bungrua an lak hnuhnun ber atanga ni 14 chhung an awm ang.

2) Bungrua chah lut tur reng reng chuan mahni veng VLTF te theuhah in report tur ani ang.

3) Bungrua hlan thlak(unload) tur nei reng reng chuan VLTF hnenah in report tur ani anga,VLTF te enpuina hnuaiah hlan thlak chauh tur a ni ang.

4) Bungrua unload hun atan zan dar 6:00PM atanga zan dar 10:00PM ruat a ni a, hemi hun chhung hian bungrua unload tur nei reng reng chuan an unload tur a ni. Hei hi Vairengte, Bilkhawthlir, Kolasib leh Kawnpui tan bik ani a, khawdangah chuan VLTF ten tha an tih angin an kalpui ang.

5) Courier Service-te tan home delivery tih phalsak an ni a. Delivery ti tur te chu a ruaitu in list mumal tak DC Office-ah an thehlut anga, DC Office atangin ID siamsak an ni ang. ID neilo tan home delivery tih phal ani lo ang.

IV. DAWR HAWN LEH BAZAR CHUNGCHANG
1) Sawrkar thuchhuah angin dawr leh bazar reng reng tlai dar 5:00PM hnuah hawn phal ani lo.

2) Sawrkarin ruahhmanna alo siam tawh angin VLTF tin te’n mahni area chhungah, dawr inhawng inhnaih lutuk an awm loh nan, dawr inhawn chhawk dan turah ruahmanna an siam zui zel ang.

3) VLTF tin in mahni veng theuh ah chawhmeh bazar an buatsaih anga. Veng thenkhat bazar siam remlo tan an veng bulhnai a VTLF, bazar nei, te nen in be rawnin ruahmanna an siam thei ang.

4) Dawr / Bazar a kal tur te’n social distancing tha takin an zawm theihnan VLTF tin in ruahhmanna an siam anga, chu chu zawm ngei a ni tih an enfiah thin bawk ang.

V. MOTOR TLAN DAN CHUNGCHANG:
1) Motor in tlanchhawk bikah Aizawl Municipal Area chauh tih a nih avangin Kolasib District-ah chuan intlanchhawk tawh loh tur a ni.

2) Aizawl Municipal Area kal tur bik tan odd-even hi zawm tur a ni anga. Mimal,tul bik thila kal Aizawl kal tur te chuan Zonal Magistrate hriatpuina la in an kal thei ang. Sawrkar guideline in exemption a pek te zing ami, Kolasib District atanga duty pawimawh bika Aizawl-a tlan loh ni a kal tur te chuan an nihna ti chiang turin duty order emaw Dept.ID emaw an keng tur ani ang.

3) Passenger phur motor reng reng in an phurh theih chin piahlam phur phal ani lova, passenger-te hman turin, hand sanitizer englai pawhin an pai reng tur a ni. Driver leh Passenger te’n mask an vuah ngei ngei tur a ni . Driver-in a ngun thei ang berin motor kawngka hawnna leh vawnban te an sanitize (ti thianghlim) thin tur a ni.

4) Bungraw phur motor leh passenger phur motor ten khawchhung duhna lai laiah an din lohna turin mahni huamchhungah Village Level Task Force ten hma an la ang.

5) Khaw kar kawngah motor ding khaw muang an awm leh awm loh en turin Jt.VLTF Mobile Team ten a tul angin Highway dung and fang thin bawk ang.

6) Vairengte leh Bairabi Checkgate-ah motor lo lut tur reng reng chu motor hma ah ankal na tur khua chiang takin tar sak zel tur ani ang.

A chunga tarlan te hi Kolasib District chhunga Mizoram Sawrkarin ni 17.05.2020 leh ni 31.05.2020 inkara Mizoram chhunga Lockdown kalpui dan tura thupek kenkawh na atana in kahhruaina a ni anga, sawrkar thuchhuah siam danglamna emaw thlakna emaw ani lo. Mitinin sawrkar thupek te zawm theuh tur a ni.