650/2024-2025

Kolasib dated 3rd June, 2024: Vawiin chawhnu khan DC Conference Hall, Kolasibah Pu John LT Sanga, Deputy Commissioner chuan Thutharlakhawmtute a kawm a, Lok Sabha MP Election neih zawh tak a Kolasib district chhung a Assembly Segment pathum a vote tla chhiar turin inbuatsaihna peihfel a nih tawh thu a sawi.

Pu John LT Sanga, Deputy Commissioner chuan MLA Election 2023 leh Lok Sabha MP Election 2024 kalpui chhung a inthlan ngai pawimawh tur a inzirtirna leh inthlang tur a hriattur pawimawh hrang hrang mipuite hrilhhriat kawng ah Kolasib district chhung a thutharlakhawmtute hmalakna fakawm a tih thu a sawi a. June ni 4 chawhma dar 8-a Lok Sabha MP Election-a vote tla chhiarna neih tur ah pawh mipuiin vote dinhmun dik tak an hriat zung zung theih nan thawhho pui ah a sawm a ni. Deputy Commissioner chuan Vote chhiar tur a ruat, Counting Official-te chu a tul angin Training pek fel vek an nih tawh thu te, Govt. Kolasib College-ah, venhimna tha tak hnuai ah, naktuk chawhma dar 8 atangin vote hi chhiar tan tur a nih thu a sawi a. Round thumnaah vote hi chhiar zawh theih tur a ruahman a nih thu a sawi.

Vote tla chhiar tur hian ‘Counting Supervisor’ mi 47, ‘Counting Assistant’ leh ‘Counting Micro Observer’ atan mi 42 ve ve ruat an ni a. 4-Tuirial Assembly Segment atan Counting table 9, 5-Kolasib Assembly Segment atan 10 leh 6-Serlui Assembly Segment atan Counting table 12 ruahman a ni.

Vawiin thutharlakhawmtute kawmna hun ah hian Addl. DC, Project Director, DRDO, Addl. SP, Election Officer, DIPRO leh SDC-te an tel a, venhimna kawng a inpuahchah dan te, Media Centre ruahman dan leh vote chhiar tur a duty-te tan ei leh in ruahman dan te tarlan a ni.