649/2024-2025

Aizawl the 3rd June, 2024: Lok Sabha inthlanpui, 2024 vote chhiar ni atan June ni 4, 2024 duan a ni a, vote chhiar leh a inbuatsaihna chungchang sawi ho turin Aizawl Bawrhsap leh District Election Officer Pi Nazuk Kumar, IAS chuan thuthar lakhawmtute chu vawiin chhun dar 12 khan DC Conference Hall-ah a ko khawm.

Hetiang hian vote chhiar ni atan ruahmanna siam a ni:

1. Election Commission of India (ECI) chuan Mizoram Parliamentary Constituency atan Counting Observer 16 a ruat a, hemi chungchang hi kimchang zawkin a hnuaiah pdf in dah a ni.

Counting Observers.pdf

2. Counting official te tan training vawi 2 neih a ni a, a vawi khatna chu May ni 14 leh 15 khan neih niin, a vawi hnihna chu May ni 29 leh 30 khan neih a ni.

3. Counting official randomization vawi hnihna June ni 2, 2024 tlai dar 5:30 khan neih a ni a, randomization vawi thumna June ni 4, 2024 zing dar 5-ah neih a ni ang. Counting Observer te hmuh ngei a tih a ni.

4. Counting centre (vote chhiarna hmun) 3 - DC Office, Assembly Secretariat Basement leh Govt. Aizawl College-ah counting hall 10 siam a ni a, kimchang zawkin a hnuaiah pdf in a en theih a ni.

Counting Centre.pdf

5. Counting centre tinah Media centre a awm vek dawn a, thu sem chhuah lamah theihtawpin counting official te an pui ang.

6. Counting hall tinah ARO an awm vek dawn a, Observer an puih bakah vote chhiar an thlithlai ang. Counting centre tinah fire tender leh medical duty team an awm bawk ang.

7. Counting official te vote chhiar niah zing dar 6:30 a thlen tur a ni a, dar 7:30-ah dawhkana thuin dar 8-ah chuan vote chhiar an tan tawh tur a ni.

8. Venhimna chhawng thuma kalpui tum a ni ang. A hmasa berah counting centre atanga metre 100-ah danna siam a ni ang a, a pahnihnaah counting centre luhna State Armed Police Force ten an veng ang a, a pathumnaah counting hall luhna CAPF ten an veng dawn a ni.

9. Postal ballot leh ETPBMS chhiarna atan counting hall hrang DC Office-ah siam a ni ang. Tun thleng hian ETPBMS 2656 leh postal ballot 2107 a lo lut tawh a ni.

10. District dang atangin ARO ten vote chhiar zat an thehlut ang a, result chu Aizawl DC Office atangin Returning Officer-in a puang dawn a ni.

Aizawl DEO Pi Nazuk Kumar chuan thuthar lakhawmtute vote chhiar niah tam thei ang bera lo kal turin a sawm a ni.