Vawiin khan Kolasib DC Conference Hall ah General Observer Manoj Kumar Pingua, IAS hoin inthlanpui lo awm tur a tana inpuahchahna kal zel ah kolasib District chhunga Polling Station hrang hrangte dinhmun thlir hona neih a nih.
Thutkhawm ah hian Polling Station hrang hrang a ECI phut Assured Minimum Facilities (AMF) te awm leh awmloh report kimchang ngaihthlak a ni a. Report atanga a lan dan in Polling Station hrang hrang te chu an inpuahchah fel vek a, hmun thenkhat ah erawh electrification, ramps, toilet leh tui dahna siamthat ngai a awm a, chumi bakah chuan Polling Station tina tar tur Polling Station no. Leh hming tarlanna signage siam a ngaih thu tarlan bawk a, polling Station a kut thlak a ngaihna lai ah te chuan a rang lama kut thlak tura inhrilhhriatna neih nghal a ni.
He hunah hian kolasib District huam chhunga RO tin te bakah sector Officer te leh AMF ti puitling tura a kaihhnawih Sawrkar Official te an thukhawm a ni.
