Vawiin chhun dar 12:30 khan Pu K. Saitluanga, DIPRO Serchhip hovin a pisa ah Serchhipa thuthar thehdarhtu ten Serchhipa a vawi khatna atan National Press Day an hmang.

Pu K. Saitluanga chuan thusawiin, National Press Day hi kumtin November ni 16 ah, Press Council of India in a taka hna a thawh tan ni champhaah hman thin a ni a. Press mite zalenna leh an mawhphurhna inhrilhhriatna ni anga hman thin ani, a ti a.  Serchhip District chhunga thu thar thehdarhtu zawng zawngte pawhin vawiin hian kan mawhphurhna te, kan pawimawhna hriat thar lehna ni atan hmangin. Nasa zawka mipuite rawngbawl tura kan intuaithar ni nise a duhawm hle a ni, a ti. Chanchinbumite chu mipuite kaihruaitu, an nitin titi tur leh ngaihtuah tur chhawpchhuah sak a, an ngaihdan siam saktu an ni a. Chu theihna chu zalenna hnuaiah fim taka kan hman thin chuan pressman hlawhtling tak kan ni dawn tihna a ni, a ti bawk. India ram danpui hnuaiah Right to freedom of Press nei kan nih angina zalen taka an hnate thawk zel tur leh, Press Council of India in Press mite awmdan tur (Ethic & Conduct) a zamte tha taka zawm chunga ram rawng bawl zel turin duhsakna a hlan a. National Press Day hmang tura MJA leh Media mite an kal that avangin lawmthu a sawi bawk a ni.

Pu C. Ramengmawia, Prsident, MJA Serchhip pawhin thu sawiin, a vawikhatna atana Serchhipa National Press Day hman ani chu lawmawm a tih thu a sawi a. Kum dangah pawh nasa zawk leh hlawk zawka hman dan ngaihtuah zui zel a chakawm hle dawna a hriat thu sawiin, a vawikhatna atana Serchhipa hman a nih theih nana hmala tu DIPRO Serchhip chungah lawmthu a sawi a ni. He hunah hian MJA memberte an kal tha hle a ni.