Sorkar laipuia Ministry of Drinking Water & Sanitation a Jt. Secretary Arun Baroka,IAS chuan Kolasib District chhunga Swachh Bharat Mission(Gramin) hnuaia hmalakna te endik turin ni 3.2.2017 (Zirtawpni) khan Kolasib a tlawh a, District Bawrhsap Pu H.Lalengmawia leh official ten circuit house, kolasib-ah an lo lawm a ni.

Jt.Secretary hi District Bawrhsap nen hun reilote chhung inkawmin, district dinhmun inhrilhna hun an nei a. Swachh Bharat Mission (Gramin) hnuaia dailenga inthiar awmlo (Open Defecation Free) tura hmalakna te vawiin tlai khan a hmunah en tan nghalin, naktuk ah khaw thenkhat a tlawh chhunzawm leh ang.