574/2024-2025

Kolasib dated 27th May, 2024: Vawiin chawhnu khan DC Conference Hall, Kolasibah  Pu John LT Sanga, Deputy Commissioner hovin Kolasib district chhung a North East Frontier Railways hmalakna enletna leh harsatna an tawhte sawi hona hun neih  a ni a. Pu David H Thangliana, SP, Pi Melody Ngurthantluangi, Addl. DC, Pi Christina Lalmuanzuali SDO (Sadar), Pu Mohammed Aaquib, SDO (C) Kawnpui, Pu Gilbert Lalhlimpuia SDC, Dr. Lalramdintluanga SDO (C) Bairabi, Pu Hitesh Jaissal, Deputy CE, Kawnpui, Pu Partha Pastim Dhar, D&M (P), Pu Ranjiv Kumar, HR Officer, Pu Sunil Sharma Project Manager leh hotu dang te an tel a ni.

Thutkhawmnaah hian rel kawng siamna hmanrua tum engemaw zah a bo tawh avangin Bairabi PS ah FIR 10 leh Kawnpui PS ah FIR 17 thehluh a nih tawh thu leh bungraw bo te hmuh let a nih theih nan theihtawp chhuah a nih thu tarlan a ni a. Bungraw lian tham tak tak bo a awm thin avangin pawi khawitute hi pawn lam mi an nih theih thu sawi a ni a, bungraw dah thatna rintlak tak siam dan tur leh uluk zawk a vil dan tur te sawi a ni. Bairabi khaw bul Tunnel no. 1 atangin Electric wire thahnem tak leh bulb engemaw zah a bo thu NEFR a thawktute hian an sawi bawk a ni.

Rel hmang a inkalpawhna tha zawk, a tak a tangkai tak a hman thuai a nih theih nan bungraw bo zawn chhuah leh pawi khawihtute hrem an nih ngei theih nan Kolasib District-a thuneitute chuan theihtawp an chhuahpui zel tur thu sawiin an harsatnate a hmun ngei ah DC leh SP, Kolasib te hian an enpui tur thu an sawi a. July 2024 chhung a Hortoki thleng rel luh tir tur a NEFR te hmakakna chu lawmawm an tih thu sawiin relin a paltlang tur khaw mipuite pawh lo inhmakhua lawk a pawimawh thu sawi a ni. Thutkhawmnaah hian rel kawng siamna bungrua dahthatna rintlak ruahman dan tur leh a vil turin khawtual mi rintlak dah ngei a nih theih dan tur te rel a ni bawk.