4170/2025-2026

Kolasib, the 27th January, 2026: Vawiin khan District Agriculture Marketing Committee (DAMC), Kolasib District buatsaihin District Agriculture Office Conference Hall-ah thlai thar lei dan tur chungchangah Secondary Collection Centre (SCC) te hmalak dan tur inhrilhhriatna hun hman a ni.

He hun hi Pu Joseph Lalnuntluanga, District Agriculture Officer (DAO) Kolasib leh Member Secretary DAMC, Kolasib District ni bawk chuan a kaihruai a. Sorkar-in February ni 2 atanga Hmunphiah leh Sawhthing lei a tum thu tarlangin, chu hmalakna a a tak taka thawktu turte chu vawiina kalkhawm te hi an nih avangin, an hmalak dan tur hriat chian a pawimawh hle a ni, a ti.

Vawiin hunah hian SCC ten hma an lak dan tur leh thlai thar hralhna kawnga an hmalak dan tur te inhrilhfiahna neih a ni a, he mi chungchanga sawiho ngai awm te sawiho nghal a ni bawk.

Kolasib District-ah hian thlai thar lei turin Secondary Collection Centre (SCC) pathum - Saipum, Thingdawl leh Vairengte-ah te a awm a. Vawiin meeting-ah hian heng SCC lo enkawla hma lo latu tur Supervisor, Asst. Supervisor te leh Society hruaitute an tel a ni.