3237/2022-2023
Kolasib dated 13th January 2023: Vawiin khan DC Conference Hall, Kolasibah ni 1, January 2023 behchhan a Electoral Roll siam tlangzarhna hun hman a ni a. Pu John LT Sanga, District Election Officer chuan hun kaihruaiin District Level Standing Committee member-te an tel a, Political Party hrang hrang aiawh leh ERO, AERO te hnen ah Electoral Roll hi hlan nghal a ni.

Pu John LT Sanga, District Election Officer chuan Electoral Roll rintlak leh felfai tak buatsaih chu mipui rorelna ram siam nana thil pawimawh tak a nih thu sawiin he hna pawimawh tak puitlin tur a Election branch a thawktute inpekna chu fakawm a tih thu a sawi a. Electoral Roll tlangzarh tak chu tangkai tak a hman a nih theih nan ERO, AERO leh Political Party aiawh a lo kalte chuan uluk tak a zirchiang a, inthlanna felfai leh langtlang a awm theih nana tun atanga inbuatsaih lawk a tul thu a sawi.

Vawiin a Final Electoral Roll tlangzarh ah hian ni 1, January 2023-a kum 18 tling te thleng huam tur a buatsaih a ni a. Kolasib district pum a voter awm zat hi 63356 niin mipa 30636 leh hmeichhia 32720 an awm a ni. November ni 9, 2022 a Draft Electoral roll buatsaih atanga enin voter pun belhna hi 581 a ni a, za zel a 0.93 pung ang a ni. 4-Tuirial (ST) Assembly Constituency ah mipa voter 9046 leh hmeichhe voter 9426 awmin voter awm zat hi 18472 a ni a. 5-Kolasib (ST) Assembly Constituency ah mipa voter 11234 leh hmeichhe voter 12497 awmin voter awm zat chu 23731 a ni a. 6-Serlui (ST) Assembly Constituency ah mipa voter 10356 leh hmeichhe voter 10797 awmin voter zawng zawng chu 21153 a ni.

Final Electoral Roll ah hian chawhrualin mipa 1000 zel ah hmeichhia 1068 an awm a, Voter zingah kum 20 leh 29 inkar tam berin voter 19064 an awm a ni. Kum 80 chung lam voter hi 694 awmin kum 18 leh 19 inkar 2413 an awm bawk a ni