3238/2022-2023
Dated Serchhip, the 13th January, 2023: Tukin zing khan Zotui Orange Producer Company Limited, E. Lungdar, Central Scheme pakhat Formation and Promotion of 10,000 FPO hnuaia din te chuan, CBBO Clover Organic Pvt. Limited te nena tang dunin kuthnathawktute thar chhuah Serthlum pum 9500 chu Aizawl a Road Show turin Aizawl an pan pui a. Pi Nazuk Kumar, IAS, Serchhip Bawrhsap chuan Sailiamkawn atangin a vailiam.

Pi Nazuk Kumar chuan, Zotui Orange Producer ten hetiang an tihlawhtling thei hi lawmawm ka ti hle a. Tharchhuaha duh tawk mai lova a hralhna lama hmalakna kalpui theih hi a hlu em em a. Nasa zawka hma la zel tur pawhin ka ngen a ni. Tin, Serthlumah chauh lo thlai dangah pawh hetiang zawnga hmalak zel hi a tul hle a, a theih ang angin DC office pawhin hma kan lakpui zel dawn a ni, tiin Serthlum hi a vailiam a ni.

He hun hi Pu Tlangtimawia Zote, Member Secretary, Formation and Promotion of 10,000 FPO, Serchhip District in a kaihruai a, Pu R. Lalrintluanga, DHO in he hun hi a telpui bawk.

Zotui Orange Producer te hian Serthlum hi Pick-up trip khat, pum 9500, an member te leh E. Lungdar leh a chhehvela kuthnathawktute tharchhuah lakkhawmin bul an tana, la tih chhunzawm zel pawh an tum a ni.