3239/2022-2023
Aizawl, the 12th December, 2023: Vawiin chawhma dar 10:00 AM khan Aijal Club Conference Hall-ah National Disaster Management Authority (NDMA), MHA, Government of India leh Disaster Management & Rehabilitation Department (DM&R) tangkawp te chuan State Level Workshop on Landslide Risk Mitigation Scheme a buatsaih a. He hun hi Pu Lalchamliana, Home Minister, DM&R Minister ni bawk chuan khuallian niin a hman pui a ni.

Khuallian Pu Lalchamliana chuan Mizoram hi tlangram a nih avangin kum tin leimin Mizoramah chhiatna hrang hrang a thleng thin a, chhiatna a lo thlenin Disaster Management & Rehabilitation Department bakah line department hrang hrang ten rang takin chhawmdawlna hna an thawk thin a, a lawmawm hle a ni a ti a. Sawrkarin LRMS Project kalpuiin hemi project hnuaiah hian Rs. 21.02 crore hmangin Ramhlun leimin avanga chhiatna thleng leh Lapuitlang leimin avanga chhiatna tuartute a chhawm dawl a. Kum 1990 atanga lei che tan tawh Hunthar Veng a lei che pawh DM&R Department in a tul ang angte buaipuiin National Disaster Management Authority, New Delhi, Govt of India atang a hmuh Rs. 20.86 crore hmangin tha taka siam that a ni ta a, a lawmawm hle a ni a ti bawk a ni.

Workshop hi Pu Benjamin Lalzama, Director DM&R in kaihruai a. Workshopah hian NDMA Officials te bakah Disaster Management & Rehabilitation Department te leh line department hrang hrangte an tel a. Workshop hi Pi K. Lalrinzuali, Secretary, DM&R in in-lawmna thu sawiin a khar a ni.