1593/2026-2027

Kolasib, 31st July, 2026: Election Commission of India (ECI) ruahmanna hnuaia Special Intensive Revision (SIR), 2026 kalpui mekah, Kolasib District chhunga Assembly Constituency pathum - 4-Tuirial (ST) AC, 5-Kolasib (ST) AC leh 6-Serlui (ST) AC huam chhungah Draft Electoral Roll enfiahna (hearing) ngawrh taka kalpui mek a ni.

He hearing neih mek hi Electoral Roll-a data thunluh dan fel hlel (discrepancies) leh hming inang enfiah ngai (cases of non-mapping) te uluk taka endik a, siamthat a nih theih nan kalpui a ni a. He endikna hna atana tul leh pawimawh hi Kolasib District chhunga Assembly Constituency pathumahte hian hriattirna (notice) 12,223 lai siam chhuah a ni.

Tun dinhmunah hian heng notice chhuakte bawhzui hian district chhunga Polling Station awm zawng zawng atangin za zela 70 (70%) velah chuan hearing hi hlawhtling taka neih zawh tawh a ni a. Mipuite harsatna awlsam zawka chinfelsak an nih theih nan leh uluk zawka endikna (verification process) kalpui a nih theih nan, Electoral Registration Officer (ERO) leh Assistant Electoral Registration Officer (AERO) te chu Polling Station hrang hrangah hian anmahni ngei kalin hma an la mek a ni.

He Special Intensive Revision kalpui mek hian Electoral Roll thianghlim, dik leh rintlak  neih theih nan thui tak a pui dawn a ni.