Kumin Teachers' Day Kolasib District a hmandan tur DC Confernce Hall,Kolasib- ah Pu H.Lalengmawia, DC hovin rel a ni.
Pu H.Lalengmawia chuan Zirna chuan mihring hmantlaka chherchhuah hi a tum ber a ni tiin, Kolasib District bikah kumin Zirtirtu te Ni hi zirtirtu thawktha chawimawi nan mai bakah zirnain hmasawnna leh danglamna tha a thlen ngei theih nana zirtirtute fuih tharna ni atan hman tum a nih thu a sawi a. Hemi atan hian district chhunga khaw hrang hrangah a ruala he ni hi hman tum a ni a, zirna tihhmasawnna lama tuimi leh inpe te hmun 20 aia tlem lovah inthenin hun an hmang dawn a ni.
Zirtirtu te Ni-ah hian hmasawnna tluantling thlenna atana Zirtirtu te pawimawhna leh hemi kawnga zirtirtu te leh khawtlang mipui, nu leh pa te thawhhona tha neih a tul zia sawihona heng hmun 20 aia tlem lo ruahman-ah hian neih tum a ni.
DEO, Kolasib chuan Zirtirtu te Ni puala naupangte thil zawrh tir thin chu kumin hian zawrh tir an nih dawn loh thu a tarlang a ni.
