No.4482/2020-2021

Kolasib 27.08.2020: Vawiin chawhma khan Village Council Election 2020 chu Kolasib district chhung a Village council 56-a polling booth 92 ah inthlanna hi chawhma dar 7:00 AM atang khan neih tan a ni. Village Council hrang hrangah inthlanna hmun a voter pungkhawm an awm loh ruahmanna siam a ni a, Mizoram People's Forum leh Village Level Task Force ten ngun takin an vilpui bawk a ni.

Chhun Dar 12:00 DC Office, Kolasib Control room-a vote tlak dan report lo luh dan ah chuan za zelah vote 31.35 a tla tawh a, N. Thinglianah vote tla tam ber rihin za zelah 83.88 a tla tawh a, Hortokiah Vote tla tlem berin za zelah 16.82 a tla a ni.

Voter 60,666 awm zingah chhun dar 12:00 thleng khan vote 19,016 a tla tawh a, mipa vote 8,571 leh hmeichhei vote 10,445 a tla tawh a ni.

Kolasib district Village Council election ah hian Candidate 883 awm zingah Mizo National Front (MNF) in Seat awm zawng zawng 278 atangin 276 an chuh a, Indian National Congress (INC) in Seat 265, Zoram People’s Movement (ZPM) in Seat 179, Bharatya Janata Party (BJP) in Seat 24, National People’s Party (NPP) in Seat 2 leh Hmar People’s Convention in Seat 2 an chuh a, anni bak ah hian Independent in Seat 135 an chuh bawk a ni.