Vawiin khan Kolasib DC Conference hall ah Anti Tobacco Squad chu SDO (Sadar) Pu V.Laldinsanga kaihhruaina hnuaiah an thukhawm.

Thutkhawmah hian 1st Quarter a hmalakna te thlirho ani a, enforcement Squad chu vawi 18 an fehchhuak tih tarlan ani, dan bawhchhia mi 9 leh pawisa chawitir cheng 970 a tling a, khawchhak meizial bawm 737 man a nih thu tarlan bawk a ni. Anti-Tobacco Squad tichak leh zual turin sub-division level ah Squad din nise tia rel niin hun remchang hmasa berah member te leh police te tan COTPA dan chungchangah inzirtirna leh intuaitharna neih nise tih rel ani bawk. 

Hemi bakah hian Squad chuan mipui punkhawmna na thin hmun hrang hrangah August leh September thla hian Squad drive zing zawkin nei se, heng hmun ah te hian meizial zuk khap na thu (signage) tar tir ni se, dan zawmlo te chu pawisa chawi tir tur an nih thu sawiho ani a, mipuite hnenah inzirtirna chu zau thei ang bera kalpui turin khawtlang hruaitute thawhpui ah sawm nise tiin thutkhawm hian a rel bawk a ni.

He hunah hian Anti-Tobacco Squad member te an kalkhawm a ni.