Coordination Committee on Traffic Management meeting August ni 1-a thukhawmin a rel ang leh Mizoram State Sorkar Notification No.B.12021/10/04-TRP Dt.22.8.2008 leh Section 115 of MV Act, 1988-in thuneihna a pek angin Aizawl Traffic S.P chuan Aizawl khawpui (AMC area) chhungah August ni 3 atanga October ni 31, 2019 thleng atan lirthei intlanchhawk/indinchhawk dan thar enchhin mek chu chhunzawm leh turin thupek a ti chhuak
INTLANCHHAWK DAN TUR LEH A HUAM CHIN TUR
1. Intlanchhawk hian mimal motor leh Sorkar motor Two-Wheeler tiamin (exempted bik tiam lovin) a huam ang.
2. Lirthei registration number tawp ber te tlanchhuah theihloh ni chu hetiang hi a ni ang -
Thawhtanni (Monday) ah 1 leh 2,
Thawhlehni (Tuesday)ah 3 leh 4,
Nilaini (Wednesday) ah 5 leh 6,
Ningani (Thursday) ah 7 leh 8,
Zirtawpni (Friday) ah 9 leh 0
Tlanchhuah phalloh hun hian Zing dar 9:00AM atanga Tlai dar 5:30PM inkar a huam ang.
3. Mizoram District dang leh State pawna register te, Private Motor leh Bungraw phur motor Aizawl khawpui chhunga awm leh rawn tlanlut tur reng reng te pawh intlanchhawk hian a huam ang.
4. Lirthei intlanchhawk hian Inrinni (Saturday) leh Pathianni (Sunday) bakah Sorkar Holiday-te a huam lovang.
5. Taxi bik chu Sticker A, B leh C hmanga intlanchhawk kalpui mek ang hian Zing Dar 9:00AM atanga Tlai dar 6:30PM inkar an intlanchhawk ang. Inrinni (Saturday) bikah Chawhnu Dar 1:00PM atangin Taxi te hi an vaia tlanchhuah phalsak an ni. Pathianni (Sunday) leh Sorkar Holiday ah pawh Taxi te hi an vai a tlanchhuah phalsak an ni.
A HUAMLOH TUR TE
1. Governor, Chief Minister leh Speaker-te (an carcade tiamin) a huam lovang.
2. Gauhati High Court Judge te a huam lovang.
3.. Public service vehicle (passenger phur chi lirthei) entirnan - City Bus/Bus, Maxi Cab/Sumo (State dang registered huamin), Auto Rickshaw, Institution Bus, Department Bus, Two Wheeler Taxi.
4. Police department motor duty, Traffic Police duty-te, Fire (F&ES) motor, Excise & Narcotics motor duty, Medical & Hospital Emergency duty, Ambulance/Morgue van, Executive Magistrate law and order duty leh emergency duty, Media mi te (MJA sticker tar te chauh), PHE emergency duty leh PHE tuisem, P&E emergency duty, Bawnghnute sem, Chanchinbu sem, AMC hnuaia Bawlhhlawh paih (Garbage) motor duty, Army leh Para-Military Force, Government Department/Office Despatch Rider-te.
5. Rualbanlote tana Special Vehicle-te a huam lovang.
6.. District dang atanga Sorkar thil pawimawha duty te, Law & Order leh Essential Commodities duty te chu Aizawl City Traffic Police-te an hrilh hmasak hnuah an lirthei tlan dan tur ruahmansak an ni ang.
7. Lirthei 407 (truck) leh a chunglam te National Highway-54 Bawngkawn leh Zemabawk inkara tlandan tur Traffic Police-ten an lo ruahman tawh sa anga tlan tlang tur te a huamlo bawk ang.
A chunga a huamloh tur sawi bakah hian eng emaw hriatlawkloh Emergency case leh tul bik tak tak thilah chuan Aizawl Traffic Control Room Phone Number : 0389-2322307/2313061/9366553559 (Jio)/9774440722 (Vodafone) ah hriattirin an thu leh hla ngaichang hmasa in an ruahmanna siam te zawm thin tur a ni.
He thupek zawmlo man te chu Section 179 of MV Act, 1988 hmanga hrem an ni ang.
