Kolasib District chhunga loneitu mi 25 te chuan Champhai leh a chhehvela Farmer's tour nei turin tukin zing dar 7 khan Kolasib an chhuahsan.
Heng Loneitute hi Kolasib DAO Office bultuma Champhai leh a chhehvela buh leh thlai chin dan a hmuna zir tura tirh an ni a. Mimal leilet leh lo-a buh leh thlai chinte zir chiangin District tana hlawkna tur a theih angin an zir dawn a ni. Heng loneitute hi Pu F. Hrangmuana, AAI in a kaihruai a, ruahman ang chuan thla thar May 1 ah lo kir tura beisei an ni.

Kolasib District hi buh leh thlai chinna hmun WRC area leh sangha khawina ram nei tha ber district nia sawi a ni.