No.2661/2020-2020

Vawiin chawhma khan kum 2020-2021 Academic Session atana zirlai naupang Class I – VIII te hnena Zirlaibu Samagra Shiksha, Kolasib District hnuaia a thlawna sem tur chu Dr. H. Lalthlangliana District Bawrhsap & Chairman District Education Committee, Kolasib District chuan Samagra Shiksha, District Project Office tualzawl atangin a vailiam.

Bawrhsap chuan Lehkhabu chhiar tam a pawimawh zia leh tangkai zia thu sawiin, thiamna tak tak nei turin lehkhabu ngei chhiar a ngai a ti a. Lehkhabu chhiar tama tan la turin naupangte leh kalkhawm te a chah a. Naupang ten zirlaibu hlawk tak leh tangkai taka an hman theihna turin duhsakna a hlan bawk.

Zirlaibu a thlawna sem tur te hi Primary School zirlai naupang pakhat-ah Rs. 250/- leh Middle School Zirlai naupang pakhat ah Rs. 400/- hisap zel a ni a. Zirlaibu sem chhuahte hi School tin thleng turin Village Education Committee (VEC) te hnenah pek chhuah a ni. Heng zirlaibu thawn chhuahte / vai liam tak hi Kolasib District chhunga School hrang hrangah hetiang hian sem a ni ang:

1) Mizo Medium - 7074
2) English Medium - 1457
3) Nepali Medium - 70
4) Bengali Medium - 91