No.2662/2020-2020

Dated Champhai, the 2nd July, 2020 (Thursday): Vawiin khan Champhai DC Conference Hall-ah khawlaia thil zuar Street Vendor-te intundinna tura sawrkar laipui Scheme ‘PM Street Vendor’s AtmaNirbhar Nidhi (PM SVANidhi)’ chu kalpui tan theih turin Bawrhsap Pi Maria C.T Zuali chuan a hawng. Bawrhsap kaihhruainain DAY-NULM Task Force Committee on Self Employment Programme (SEP) chu thukhawm tlang nghalin, khawpuia miharsa zawk te’n eizawnna ngelnghet an neih theih dan tur an rel a ni.

Meeting kaihruaitu Champhai district Bawrhsap Pi Maria C.T Zuali chuan sumdawnnate, eizawnna dang leh hmalakna lian tan turin Bank kaltlanga loan lak a tul thin thu leh Bank kaltlanga hamthatna awmte hre tura ngaihven a tul thu a sawi a. Bank-a loan la te chu ngaihtuahna fim tak nei chunga tha taka loan rulh tum turin a chah a. Sawrkar Scheme pawimawh tak tak line department leh Bank-te kaltlanga chhawpchhuah turte pawh hamthatna dawngtur ten tih takzeta an buaipui angaih thu sawiin, a bul atangin tumna tak tak leh hlawhtlinpui tum tlatna thinlung pu chunga hma an lak angaih thu a sawi bawk.

Pu Vanlalchhuanliana, DUDO Champhai chuan programme pawimawh tak tak pahnih, PM SVANidhi leh SEP chungchang rel tura kalkhawm Committee member-te lawmna thusawiin, tun dinhmunah Champhai Street Vendors zingah Stationary Vendors 127, Mobile Vendors 7 leh Temporary Vendors 83, an vaiin mi 217 an awm thu a sawi a. PM SVANidhi chu loan cheng 10,000/- thlenga lak theih a pung tlem thei ang ber Street Vendor-te chawikanna tura siam anih thu leh khawpuia cheng miharsate tan SEP kaltlanga Rs 2,00,000/- thleng loan lak theih anih thu sawiin, loan pung tlem thei ang ber sawrkar puihna tela pek tum anih thu a sawi a. Bank-te chu sawrkar duan Scheme kaltlanga loan diltute tana theihtawp chhuah pui tur leh loan pek kawnga inhawng turin a ngen a ni.

Meeting chuan UD&PA kaltlangin SHG tlawhchhuah leh Bank A/C neihna leh hmalaknate zirchian nise a ti a. Line department leh Bank lamin loan lak leh rulh thlenga enhoa vil nise tih niin, SHG te an hmalakna that dan ang zela Grading siama loan pek thlenga ruahmanna siam nise tih ni bawkin, Loan diltute tan August 2020 chawlkar hmasa berah Interview neih nise tih a ni bawk.

PM SVANidhi hi khawlaia thil zuar leh inpho thinte hripui Covid-19 lengin an eizawnna nasa taka a nghawng avang leh inkharkhip anih hmaa an sum khawlte inkharkhip hun chhunga an dehral avanga kalpui niin, eizawnna bul tansak lehna tur tinzawn leh chhawmdawlna tura sawrlar laipui programme duan pawimawh tak June Ni 1, 2020 a kalpui tan a ni a. Street Vendor te’n leirem an rah theihna tur Scheme kaltlang hian Street Vendor-te intundin nan a pung hniam thei ang bera Working Capital Loan Rs 10,000/- thlenga pek theihna tura duan a ni a. Loan term kum khat, 7% interest subsidy bank loan lak nana Guarantor ngai lo a ni a, sum chevel buaipui kawnga Mobile Apps hmang thinte lawmman pek a tiam bawk a ni. Dil thei chu March Ni 24, 2020 hmalama khawpui kawngsir/khawlaia thil zuar thin Vending Certificate/Identity Card (ID) Town Vending Committee (TVC)/Urban Local Bodies (UBC) in a pekte emaw, hetiang neilo pawhin Vendor Survey list-a awmte, Survey laia inziaklut hmanlo TVC leh UBC in Letter of Recommendation (LoR) a pekte tan leh khawpui leh a chhehvel, thingtlang thlenga TVC/ULB te huam ve chiah loa khawpuia Vendor-te tan pawh a dil theih a ni. He ruahmanna hi March 2022 thlenga hman tura duan a ni a. Loan hi Rs 10,000/- thleng kum khat chhunga a pung tlem thei ang ber nena rulh tur a ni a. Eng mah dahkham angai loa, loan rul tha tan leh tlingtla hma tan a pung hi a aia hniamin tihsak tur niin, loan an la leh duh anih pawhin a hma aia tam puk tir theih an ni ang. Hrechiang duh tan UD&PA Department-ah zawhfiah theih ani ang.

Vawiin vek khan thukhawm chuan DAY-NULM kaltlanga khawpuia miharsate chawikanna tur mimal leh Self Help Group (SHG) ten eizawnna ngelnghet neia an intundin theihna tura Loan Rs 2,00,000/- thleng pek theihna Self Employment Programme (SEP) chungchang an rel nghal a. Meeting-ah hian Financial Year 2020-2021 chhunga Champhai khawpui huamchhunga Bank Branch hrang hrangte target chungchang sawiho niin, hemi hun chhung hian mimal 70, Self Help Group 30 leh Group Enterprise (GE) 15 te tan loan pek chhuah hman nise a ti a. Bank Branch hrang hrangte dinhmun ngaihthlak anih hnuah Bank tinte pek chuah dan tur pawh bithliah fel nghal a ni. SEP kaltlanga Loan hi 7% Interest Subsidy Loan la tuin a rul anga, a bak zawngte sawrkarin a lo do let ve dawn a ni.