No.3561/2020-2020 

Vawiin chawhma khan DC Conference Hall, Kolasibah, Village Council inthlan lo awm tur atan inbuatsaihna kalpui mek ah, a tul anga Electoral roll siamthat a nih hnuin Dr H Lalthlangliana, District Election Officer chuan Roll buatsaih thar tlangzarhna hun a hmang a. He hunah hian Electoral Registration Officer leh Assistant Electoral Registration Officer te bakah YMA, MJA leh party hrang hrang aiawhte an tel a. Party aiawh lo kalte hnenah hian Final Publication copy hi hlan theuh a ni bawk.

Ni 01.01.2020 a kum 18 tling te hi he roll buatsaihnaah hian ziahluh thar an ni a, kum 2015 roll nen a khaikhhin chuan mi 9761 in a pung a, za zel ah 16.09 in a pung a ni. Voter 60,634 awmin mipa 29,435 leh hmeichhia 31,199 an awm a, Village Council 56 a awm a ni. Hortokiah vote nei tam berin voter 2777 an awm a, Saihapui V ah voter 171 awmin in 16 a awm a, vote tlemna ber a ni.