Vawiin chawhma khan March Ni 6-a Chapchar Kut 2020, Kolasib district a lawm dan tur relin Kolasib District Chapchar Kut Working Committee te chuan DC Conference Hall ah thutkhawmna an nei.

Thutkhawm hi Pu C Liankunga, President, Sub. Hqrs, YMA, Kolasib, Working Committee Chairman ni bawk chuan kaihruaiin Sub-Committee hrang hrangte chanvo leh hmalak dan tur tlangpui te rel a ni a, Kolasib district chhunga kawng hrang hranga hlawhtlinna hmu leh chawimawitlak a ngaih te chu Kut niah hian chawimawi nise tih rel a ni bawk. Thutkhawmnaah hian kut ni a hun hman dan tur te, eiin leh mipui tan a thutna ruahman dan tur te leh venhimna tha tak kalpui dan tur te rel niin Working Committee te chuan Chapchar Kut 2020 lawmna hmun tur a ruahman, Diakkawn field an tlawh nghal bawk a ni.