Vawiin chawhma dar 11:00Am khan Shri Bhupesh Chaudhary IAS, Deputy Commissioner, Siaha District kaihruaina hnuaiah PMAY-Housing for All (Urban) Mission, 2020 chungchang ngaituahin District Screening Committee member te chuan meeting pawimawh an neih.

District Screening Committe meeting hmasa ber hi 21.10.2016-ah neih a lo ni tawh a. Tahrik ni 18.2.2016-ah khan Ministry of Urban Housing Affairs chuan Rs. 3180 lakh Siaha District tan a lo pawm tawh a ni. Detail Project Report (DPR) hmasa berah hian mi 1590 an awm a, a vawi hnihna-ah erawh mi 955 an awm thung a ni.

Ministry lam chuan First DPR a mi 544 beneficiaries te tan Rs. 326.4 lakh chu tahrik ni 26.3.2016 khan a lo released tawh bawk. He pawisa hi tahrik ni 3.10.2018 ah UD&PA Housing for All, Siaha te Account ah thun a lo ni tawh bawk. UD&PA Directorate lam atangin first DPR a beneficiaries 544 te atangin beneficiaries 217 te chauh first installment atan dawng turin a rawn thlang a, tun dinhmuna beneficiaries te hnena pawisa sem ral tawh zat chu Rs.227.1 lakh a ni. Tun dinhmunah hian Foundation Stage-ah beneficiaries 137 awmin, beneficiaries 141 chu Lintel Stage-ah an awm a, Roofing Stage-ah beneficiaries 77 bakah Completed Stage-ah beneficiaries 20 an awm mek a ni.

Vawiin meeting-ah hian chipchiar leh uluk taka In sak tanpuina diltute dilna  chu thlirho a ni a, tun sawrkar kum kallai ah hian dilna lut zawng zawng 1421 atangin dilna dik tawklo leh felhlel deuhte chu Department lamin uluk taka verification an kalpui hnuah dilna hnawl ngai 137 lai hmuhchhuah a ni a. A tlangpuiin, hnawlte hi In leh lo neih sate, In khat atanga dilna pakhat ai tam awmte, hmuh tawh dilnawn te, urban area a awm lohte bakah sawrkar hnathawk he scheme huamchin aia hlawh tamte an ni tlangpui a ni.

Vawiin meeting chuan spot verification uluk leh felfai taka kalpui leh tura ruahmanna siamin, meeting hi hun remchang hmasa bera neih leh turin a rel bawk.