1990/2022-2023
Kolasib dated 20th September 2022: Vawiin khan DC Conference Hall, Kolasibah Kolasib district chhunga Bank hrang hrangte hnathawh dan thlirletna hun,’ District Level review Committee’ neih a ni a. Pu John LT Sanga, Deputy Commissioner chuan hun kaihruaiin Credit Deposit Ratio (CD Ratio – Bank in Deposit a dawn atanga loan a pekchhuah zat) chu za zel ah 69.11 a nih thu tarlan a ni a. Kum hmasa aiin za zel ah 15.47-in a sang a ni.

Pu John LT sanga, Deputy Commissioner chuan Bank chu ram hmasawnna tur a hmanraw tangkai tak an nih thu leh nitin mipui dawrtu thahnem tak awmna hmun a nih angin thawktute taimakna leh inpekna a pawimawh thu a sawi a. Sawrkar ruahmanna hnuai a Bank kaltlanga mipui tan a hamthatna hrang hrang awmte zau zawk a inhrilhhriatna a awm a pawimawh thu leh chung hamthatnate chu a tak a mipuiin an chhawr ngei theihna turin hmalakpui ah a sawm bawk a ni.

Pi Lalengmawii, Manager, LEED Bank chuan April atanga June 2022 chhung a Kolasib district-a Bank hrang hrangte hna kalpui dan tarlanna hun hmangin hmasawnna hna thawhna tur a Bank atanga pawisa inpuk tir kawngah mi rintlakte chauh thlanchhuah an nih theih nan Sawrkar Department-te nena thawhhona tha neih a tul thu sawi a ni.

Vawiin thutkhawmnaah hian Bank kaltlanga mipui tan a hamthatna awmte zau zawk a inzirtirna buatsaih dan tur rel a ni a, hemi atan hian Kolasiba bank hrang hrangten hmun khat ah mipui vantlang tan ‘Awareness Camp’ huaihawt tur a tih a ni. Kolasib district chhunga mi 2000 aia tlem chenna khaw 29 ahte chuan Business Correspondent an awm theihna tur a hmalakna kal zelah khaw 23-ah dah an nih tawh thu ngaihthlak a ni a. Mizoram Rural bank, Kawnpui Branch hmalaknain Meidumah Business Correspondent tur ruatfel a nih thu tarlan a ni bawk. June 2022 thleng khan Pradhan Mantri Jan Dhan Yojana hnuai a inziaklut 19,322 an awm thu te, Pradhan Mantri Jeevan Jyoti Bima Yojana hnuai ah mi 15,848, Pradhan Mantri Suraksha Bima Yojana hnuai ah mi 26,917 leh Atal Pension Yojana hnuai ah mi 1,209 inziaklut an awm mek thu tarlan a ni a. Annual Credit Plan hnuai a hmachhawp hrang hrang zinga 19.12% chu kalpui tawh a nih thu sawi a ni bawk.