1991/2022-2023
20.9.2022: Ni 3 awh State Tourism Ministers Conference Dharamshala, Himachal Pradesh-a neih meka tel ve Tourism Minister Pu Robert Romawia Royte chuan power point presentation neiin thu a sawi a. "Mizoram chu ramngaw tamna, lui leh tlang awm dante pawh danglam bik a ni a. Sik leh sa a nuam tawka, sports events leh kût nuam tak tak bakah ram ralmuang a ni a. Khuazin te tan chawlh hahdamna tha a ni” tiin Mizoram tlawh turin India mipuite leh Foreign mite pawh Conference kaltlangin a sawm a ni.

He conference-ah hian Himachal Prasesh Chief Minister Jai Ram Thakur, Union Tourism Minister GK Reddy leh Union Minister of States 3 bakah Niti Ayog CEO te, Niti Ayog Member te bakah Union Secretary 3-in thu an sawi a ni. State hrang hrang Tourism Ministers te leh Officials te bakah India huap Tour Operators te, Travel Agents te, Hoteliers te bakah corporation leh company lian neitute an tel tha hle a ni.

He conference ni 18/9/2022-a tan hi vawiin ni 20 zanah hian khar a ni ang.

Tourism Ministers’ Conference-ah hian Mizoram Tourism Principal Secretary Pi Manisha Saxena, IAS, Pu V.Lalengmawia, MCS, Jt Secretary leh Pu Saitluanga, Director Tourism Deptt te an tel bawk a ni.