268/2024-2025 

Kolasib dated 18th April 2024: Vawiin chawhma dar 9 atang khan Lok Sabha MP Election atan a Kolasib district chhung a Polling Station 89-a duty tur Presiding Officer, Assistant Presiding Officer, Polling Officials leh Security Personel-te chuan Deputy Commissioner pisa tualzawl a ‘Dispatch Centre’ atangin an duty-na tur hmun theuh panin an kal chhuak a. Pu John LT Sanga, Deputy Commissioner chuan duty-tur te hi a vailiam a ni.

Pu John LT Sanga, Deputy Commissioner chuan Kolasib district chhung ah Lok Sabha MP Election tluang tak leh felfai tak a kalpui a nih theih nan Polling Station-a duty tur Election Official-te chu duhsakna hlanin buaina leh harsatna engemaw an tawk palh a nih pawhin thuneitute hnen a thlen vat turin a chah a. An kal chhuah hma in an ken tur bungraw hrang hrangte chu a kim leh kim loh endik vek turin leh inthlan ni a an mawhphurhnate chu felfai tak a hlenchhuak theuh turin a fuih bawk a ni.

Kolasibah hian voter 63,830 awm ang a chhinchhiah niin Polling Station 89 buatsaih a ni a. Polling Station-a duty tur hian thlaveng tur te nen mi 452 ruat niin PRO 113, APRO 113 leh Polling Official 226-te an ni. 4-Tuirial Assembly segment-ah hian voter 18433 awmin Polling Station 26 a awm a, 5-Kolasib Assembly segment-ah voter 24,102 awmin Polling Station 29-a awm a, 6-Serlui Assembly segment-ah voter 21284 awmin Polling Station 34-a awm bawk a ni.

Polling Station 89 zingah hian hmeichhe vil Polling Station 10, thalai vil bik Polling Station 1 leh ruah tui khawl pawimawh zia pho lang thei tur a chei, Unique Polling Station 1 siam a ni a, he Unique Polling Station-ah hian intlar ngai lova vote thlak theih turin ruahmanna siam a ni.