2427/2023-2024

2023 Khuangchawi thla ni 21: November ni 7, 2023-a Mizoram Legislative Assembly Inthlanpui buatsaih tura Kolasib District chhunga assembly bial pathuma chuh tuma hming pe lut mi 13 te nomination paper chu vawiin chawhma dar 11:00 khan bialtu Returning Officer-te hovin endik (scrutinise) a ni a. Nomination paper fel loh vanga hnawl an awm lo.

5-Kolasib (ST) Assembly Constituency hnuaia candidate pali (4) te nomination paper chu Returning Officer Pu John LT Sanga hovin a office-ah endik a ni a. 4-Tuirial (ST) Assembly Constituency hnuaia candidate pali (4) te nomination paper chu Returning Officer Pi Melody Ngurthantluangi hovin a office-ah endik niin, 6-Serlui (ST) Assembly Constituency hnuaia candidate panga (5) te nomination paper chu Returning Officer Pu Lalmuan Puia hovin a office-ah endik a ni bawk.

Inthlan chuh tuma hming pe lutte tan hian October ni 23, 2023 (Thawhṭanni) tlai dar 3 thlengin inhnuh dawh theihna hun hawn a ni dawn a. November ni 7, 2023 (Thawhlehni)-ah vote thlak niin, vote tlate hi December ni 3, 2023 (Pathianni)-ah chhiar tura ruahman a ni.

MLA Inthlanpui 2023-ah hian political party pali - Bharatiya Janata Party (BJP), Indian National Congress (INC), Mizo National Front (MNF) leh Zoram People's Movement (ZPM) te chuan Kolasib District chhunga assembly bial pathumah candidate an nei vek dawn a. Serlui bialah chuan Independent candidate pakhat a awm tel dawn bawk a ni.