No.5316/2020-2021

Kolasib 22nd September, 2020: Vawiin khan Divisional Horticulture Officer, Kolasib bultumin Kolasib District chhung a Dragon Fruit chingtute tan lei tha siam dan inzirtirna hun, “Training Programme on Compost Making” buatsaih a ni a. Pu C Lalremsiama, DHO in hun kaihruaiin Dr Lungmuana, Scientist, ICAR Kolasib leh Pu Jacob Guite, Agrico Innovation ten zirtirna an pe a ni.

Pu C Lalremsiama, DHO chuan kalkhawmte lawmna thu sawiin Kolasib district-a Dragon Fruit hmanga hmalakna kalpuinaah hlawhtlinna pawh hmuh mek zel a nih thu a sawi a, Hlawhtlinna tluantling leh hlawk zawk hmu tur chuan Dragon fruit-te chu duat tak a lei tha nen chawm a ngai a ni, a ti. DHO chuan Covid-19 hrileng avanga inkharkhipna leh inkaihhruaina hrang hrang karah eizawnna tlak a Dragon Fruit huante chu siam a nih theih nan Dragon fruit chingtute chu tan la sauh sauh turin a fuih a, eizawnna tlak leh dinchhuahpui tham a an huante an siam ngei theihnan Training chu tangkai taka hmang turin a chah bawk a ni.

Kolasib district-ah hian kum 2015-2020 thleng hian Dragon Fruit Unit 200 vel chu mi 135 bawr velte hnenah pekchhuah tawh a ni a, heng atang hian tharchhuak tawh chhungkaw 100 vel an awm tawh bawk a ni. Horticultrure Department a\ang hian Dragon Fruit chinna tur a ban 200 sak nan tanpuina Cheng 60,000 zel pek thin an ni a, a chi, lei tha leh enkawlna hmanrua hrang hrangte pek thin an ni bawk. Kum 2019-20 chhung khan Kolasib district atangin Dragon Fruit quintal 142 tharchhuah a ni a, hei hi Cheng 28,40,000 man hu vel a ni a, kum 2020-21 ah hian quintal 350 beisei chu, beisei aiin tharchhuah hi a tam tawh thu DHO chuan a sawi bawk a ni.