No.5315/2020-2021

Dated Champhai, the 22nd September, 2020 : Vawiin khan UD&PA Champhai chuan Champhai khawpui chhunga Home hrang hrangte hnenah sawrkar kum kal lai meka chhawmdawlna la dawng kimlote hnenah Shelter for Urban Homeless (SUH) kaltlangin tanpuina a pe chhuak. He hun DUDO Pisa, CHANEM Building-a neihah hian District Urban Development Officer (DUDO) Pu Vanlalchhuanliana chuan tanpuina hi a hlan a, DAY-NULM hnuaia SHU-Shelter Management Committee thukhawm nghalin inrawnkhawmna hun hman chhunzawm a ni.

He hunah hian kum upa lamte enkawlna tur hmun Special Shelter Old Age Home sakna atan Rs 32,32,000 /- dah anih thu tarlan a ni a. Tarte enkawlna hmun Special Shelter sak nan Bethany Old Age Home, New Champhai chuan a thlawna ram hman an phala, sak phalna No Objection Certificate pawh UD&PA Department-in a dawng tawh a, tunah hian detail plan and Estimate buaipui mek niin, peihfel anih veleh District/ City Level Executive Committee pawmpui turin thlen a ni ang.

Shelter for Urban Homeless (SUH) kaltlanga Home hrang hrangte thawmthat leh cheithatna Financial year tina pek thin chungchang pawh rel niin, sawrkar kum kal mekah home thenkhat thawmthatna refurbishment cheng nuai 1 la pek tlin lohte chu tanpuina sum pek tura ruahman a ni a, Refurbishment atana sum hman tur awm Rs 1,50,000 /- chu Home 3 Rose Childrens Home, Champhai Vengthlang, Genesaret Gospel Home, New Champhai leh Bethany Old Age Home, New Champhaiahte pek nise tih a ni.

Kum kal meka Home hrang hrangte cheia thawmthatna hetiang hian pek a ni:

1. Grace Receivers Home, Zote: Gas Connection leh CCTV
2. Emmanuel After Care, Bethel: Pressure Cooker 1, Rice Plate 50, Large pot 1, Large Frying Pan/pot 2 leh Tea Cup 60, CCTV
3. TNT Mazuia Memorial Home, Vengthlang North: Large Frying Pan/Pot 3, Large Pot 2 leh CCTV
4. Metakhen Reformation Center, Jail Veng: Tui pipe roll 4, CCTV
5. Bethany Old Age Home, New Champhai: Tui Pipe Roll 5, RFL plastic drawer 6
6. Rose Childrens Home, Vengthlang: 4 Kg Fire Extinguishers 2, Mosquito net 26 leh RFL Plastic drawer 2
7. Champhai Observation Home, Zotlang: RFL plastic drawer 4
8. Genesaret Gospel Home, New Champhai: RFL plastic drawer 6