No.213/2020-2021

Kolasib, 14^th September 2020: Vawiin chawhnu khan DC Conference Hall, Kolasibah Dr H Lalthlangliana, Deputy Commissioner hovin  Pradhan Mantri Awas Yojana (PMAY)-Credit Linked Subsidy Scheme (CLSS) hnuaia loan pekchhuah dan tur chungchang sawihona hun neih a ni a, Kolasib district chhunga Bank hrang hrang hotute an tel a ni.

Dr H Lalthlangliana chuan PMAY(U)-CLSS chu mi harsa zawk ten loan hmanga in an sak ve theihna tur a Sawrkai laipuiina a duan a nih angin, Bank hrang hrangte nen thawkhova, mi harsate dawmkanna hmanraw pawimawh tak a nih thu a sawi a. Tangkai taka hman ngei a nih theih nan thahnemngai tak a thawk turin leh ngai pawimawh turin thawktute chu a chah a ni.

Pu Gaston Vanlalhriatpuia, DUDO chuan Kolasib district chhunga PMAY(U)-CLSS kalpui dan chungchang tlangpui tarlangin kum 2019-20 chhung khan Kolasib district-a loan pekchhuah zat tur bituk zat 190 a nih laiin 68 pekchhuah a nih thu a sawi a. Kolasib khawchhung bank atangin 44, Kawnpui atangin 21 leh Vairengte MRB atangin 3 pekchhuah a ni. Bank hrang hrang zinga loan pekchhuah tur bituk zat pechhuak hi Kawnpui MRB chiah a awm a, 20 bituk an nih laiin loan 21 an pechhuak a ni. Bituk zat atanga chhutin PMAY(U)-CLSS loan pekchhuah hi za zelah 35.79 ang vel a ni. 

2020-21 chhunga Bank hrang hrangte tan PMAY(U)-CLSS loan pekchhuah zat tur bituk a ni a, Kolasib khawchhung bank tan 140, Kawnpui 20, Vairengte 20, Bairabi 10 niin a vai hian 190 a ni a. Dilna dawn tawh zat hi 119 niin pawm tlak a ngaih hi 82 chauh a nih thu tarlan a ni bawk. Vawiin thutkhawmna chuan loan hi December 2020 chhungin a tam theih ang ber pekchhuah hman nise tihin a rel a ni.

CLSS HOUSING LOAN DILTUTE HRIATTUR 

1. Credit Linked Scheme (CLSS) / Housing loan dilna hi Date 1st – 29th August, 2020 chhung hawn a ni a. Hemi hunchhung hian dilna Form lakchhuah a, thehluh leh tur a ni.

2. CLSS hi Primary Lending Institutions (PLIs)/Banks te rinchhana Home/Housing Loan lak theihna scheme a ni a. He scheme hnuaia Home/Housing Loan latute chu Scheme Guidelines in a sawi angin Category hrang hrang tan Interest Subsidy Rate hrang hrang bituk anga pek tur a ni. Bank-in Home/Housing Loan Interest Rate an neih azirin Loan pung zat hi a inanglo thei.

3. Loan diltu ten a hnuai ami hi an zawmin an nei ngei tur a ni.

1) Loan diltu chu Aaddhaar Card leh PAN Card nei ngei a ni tur a ni. (Xerox copy thiltel tur)

2) Loan diltu chuan ama hmingin LSC a nei tur a ni. (Attested Xerox copy thiltel tur)

3) Revenue Department atanga LSC pekchhuah chiah pawm a ni ang.

4) Income Declaration Certificate finfiahna a awm ngei tur a ni.

5) Loan diltu chu ama hming emaw a chenpuite hminga Pucca House neilo a ni tur a ni.

4. BLC (Insak – a thlawna tanpuina) leh CLSS (Housing Loan) hi dil/dawn kawp theih a ni lo.

5. CLSS diltute hi tehna hrang hranga an tling vek a nih chuan PLIs/Bank ah an dilna te hi thawn tur a ni a. Bank Branch in Housing Loan an pek tur chu diltute atang hian an la thlang leh ang.

6. CLSS hnuaia Interest Subsidy hi loan petu Bank-ten Central Nodal Agency (CAN) ah an claim tur a ni a. Nodal Department (UD & PA) in subsidy claim chungchangah mawhphurna a nei lo.

7. State Level Bankers Committee (SLBC) in khaw hrang hrang (23Census Towns) tana loan pekchhuah tur zat (target) a siam a, chumi tihlawhthling tur chuan UD&PA Deptt. in huntiam chhungin heng khaw 23 ah hian dilna a hawng ta a ni.

8. UD&PA Department hi Mipuite leh PLIs bank te inkara hnathawktu a ni a, Loan pe chhuaktu tur a ni lo.