Naktip April 11 a Lok Sabha inthlanna neih tura Kolasib District chhung Polling Station 9 a duty tur Polling Party te chuan vawiin khan DC office atanga EVM la chhuakin an fehchhuak ta.

EVM te hi Strong Room a kalhhnan lachhuakin District Election Officer Pu Jitender Yadav, IAS; Election Officer Pu R. Lalnghakliana leh Official dangte bakah party aiawhte hmuh laiin tala a kalhhnan chu hawn a ni a. Hawn anih hma hian EVM te chu venhimna tha tak hnuaiah him taka dah a ni ngei tih an finfiah hnuin party aiawhte hian an hming an sign hnan hmasa vek a ni. Hemi hnu hian Polling Party te chuan EVM leh tul dangte lain an duty na hmun tur theuh hi an pan ta hlawm a ni.

Vawiina Polling Station duty na tur pan takte hi District chhunga hmun hla zualte an ni a. Chungte chu S. Chhimluang, Saihapui V, Saipum I, Saipum II, N. Thinglian, Thingthelh, N. Hlimen, N. Chaltlang leh Bukpui te an ni a. Naktukah a bak polling station 67 a duty turte chu an chhuak ang.

Kolasib Distict ah hian polling Station 76 a awm a ni.