337/2025-2026

Kolasib: Dated the 25th April, 2025: Vawiin khan Kolasib DC Conference Hall ah Kolasib District huamchhunga raltlan te dinhmun ngaihtuahin Pu Robert C. Lalhmangaiha Kolasib DC Kolasib hovin Kolasib District chhunga raltlan awmna khawtlang hruaitute an thukhawm.

He hun kaihruaitu Kolasib DC chuan State pawn lam atanga Kolasib district chhunga raltlan awm mek te chu felfai taka chhinchhiah a nih thu sawiin, anmahni fel fai taka enkawl dan tur ngaihtuah chu thil pawimawh tak a ni tiin, kalkhawmte chu an ngaihtuahna te seng a sawrkar hmalakna te tha taka thawhpui turin a sawm a ni.

He hunah hian Saipum, Thingdawl, Bilkhawthlir leh Khamrang khawtlang hruaitu ten an khua theuh a Raltlan te dinhmun report an pe a, tun dinhmunah Thingdawl Polytechnic building ah Manipur atanga raltlan Chhungkaw 11 awm mekin, Saipum khua ah chhungkaw 36, Bilkhawthlir ah chhungkaw 6 awmin, Khamrang khua ah Myanmar atanga raltlan Chhungkaw 17 an awm mek a ni.

Heng raltlan te zingah hian mahni khua a haw leh mai duh thenkhat an awm rualin a bikin Manipur atanga raltlan thenkhat chu haw na tur pawh nei tawh lo leh Mizoram a awm hlen duh chhungkua pawh an awm nual tih, anmahni enkawltu khawtlang hruaitu te chuan sawiin, heng mi te hian a tlangpuiin anmahni a eizawnna in dapin mi hnena inhlawh chawpin ei an zawng ve thin tih an sawi bawk.

He thutkhawm ah hian Manipur atanga raltlan te chu Central Sorkar in displaced people (raltlan) ah a pawm lova, chuvangin anmahni chhawmdawlna tur hi Central atangin ruahmanna a awm lo tih tarlan niin, Mizoram Sorkar ngenna avangin hun engemawti chhung atan Central Sorkar chuan an tan buhfai a pe a, hei hi tunah chuan a tawp tawh tih an tarlang bawk.

Heng raltlan te harsatna tawh hrang hrang te he meeting ah hian sawilan niin, harsatna an tawh loh nan Fur pui lo thlen hma a an chenna thawmna ngai lai te en a, thuneitu te inrawn khawmin a tul dan a zirin Silpouline ngaihtuahpui ni se anti a, hei bakah hian raltlan te awmkhawmna hmunah a thlawna ei leh in pek a remchang tawh lo nia an ngaih thu te sawiin, danin a phal chinah anmahniin eizawnna an in dap thei a nih chuan remtihpui nise an ti a, anmahni duh thu a an khaw lama haw duh an awm a nih chuan an haw dan tur ngaihtuahpui ni se anti bawk.