336/2025-2026
Dated: Mamit the 25th of April, 2025: Central Agricultural University (CAU), Imphal hnuaia awm, College of Vety. Sciences & Animal Husbandry (CVSc&AH) Selesih, Aizawl; College of Horticulture (CoH) Thenzawl; KVK-Aizawl leh Mizoram Sawrkar AH & Vety. Department-te tangkawp chuan vawiin khan Tawna Hall, West Phaileng, Mamit District-ah 'Agriculture Development Programme for Mamit District (Aspirational District)' an buatsaih. A hawnna hun hi Pu Moses Ramdinthara, West Phaileng BDO chuan Khual lian niin a hmanpui a ni.
Khual lian chuan Mamit District mamawhte hriaa College of Vety. Sciences & Animal Husbandry (CVSc&AH) Selesih, Aizawl; College of Horticulture (CoH) Thenzawl; KVK-Aizawl leh Mizoram Sawrkar AH & Vety. Department te'n West Phaileng khua tlawha 'Integrated Agriculture Programme (Aspirational District)' kaltlanga farmer-te tan ti a hma an la chu lawmawm a tih thu a sawi a. Farmer te'n an hlawkpui ngei a beisei thu sawiin, tun mai ni lo nakin zelah pawh hetiang programme hi nei chhunzawm zel turin a sawm nghal bawk.
He hunah hian Dr. Lalnuntluangi Hmar, Dean, CVSc&AH chuan thu sawiin, Mamit district chu Sawrkar laipuiin District hnufum, Aspirational District a tihte zinga awm a nih avangin Central Agricultural University (CAU) chuan a ngaih pawimawh thu a sawi a, programme pawh hemi avanga buatsaih a nih thu a sawi bawk.
Vawiin programme-ah hian Farmer leh Scientist-te inkawmhona 'Farmer-Scientist Interaction' neih a ni a; he hunah hian farmerte'n zawhna leh hriatduh an neih angte ngaihthlak niin hrilhfiah zel an ni a. An hmanraw mamawh tur hrang hrang semna hun hman zui niin, ar note (rainbow rooster leh broiler), ar chaw, mineral mixture, thlai chi, biofertiliser leh pa (mushroom) chi te sem chhuah a ni bawk.
Hemi zawhah hian Animal Health Camp, Free Vaccination Camp leh Mushroom (Pa) Cultivation Demonstration-te neih chhunzawm nghal a ni a. Ran damlo entir leh rawn zat hi avaiin 857 (Ui - 47, Vawk - 93, Kel - 3, Zawhte - 11, Ar - 703) a ni a. Ui a hri danna (Anti-Rabies Vaccine) dose 24 pek a ni bawk.
Vawiin programme-ah hian College of Vety. Sciences & AH, Selesih atangin Dean, Dr. Lalnuntluangi Hmar hovin zirtirtu, zirlai leh KVK staff thahnem tak an tel a. College of Horticulture, Thenzawl atangin Dean, Dr. Shri Dhar hovin zirtirtu engemaw zah an tel thei bawk a. Anni bakah hian Mizoram Sawrkar AH&Vety Department atangin Dr. PC Lalsangzuala, Joint Director (Polyclinic) hovin Veterinary Officer -1 leh Internee - 2 te he hunah hian an tel bawk.
