4665/2024-2025
Dated Kolasib the 17th March 2023: Kolasib District chhungah ram pawn atanga dan lo a kuhva lakluh ti tawp turin khapna thupek vawi tam tak chhuah ani tawh a, Ministry of Home Affairs, Govt. of India lehkha No.1/32/2019-BM-II Dt. 13.11.2019 leh Home Department, Govt. of Mizoram lehkha No.D.32021/9/2019-HM Dt. 2.12.2019 pawhin heng dan lova kuhva rah lakluh khap a tul thu a tarlang tawh a ni.
Kolasib District huamchhungah pawh heng dan kalha hmalakna awm thei chi reng reng uar zawka khap a tul a. Chuvangin, Robert C. Lahmangaiha, District Magistrate, Kolasib District,Kolasib chuan Section 163 of Bharatiya Nagarik Suraksha Sanhita, 2023 in thuneihna a pek angin hetiang hian thupek a chhuah e.
1. Kolasib District huamchhungah dan phal lohvin kuhva rah tumahin an phur lut tur a ni lova, a paltlang nan an hmang tur a ni hek lo.
2. Kolasib District huamchhungah mi tumah in ram pawn atanga lakluh kuhva (Burmese Areca nut) dah khawlna (Godown/Kudam) an siam tur a ni lo. Godown lo awmsa tawh te pawh Superintendent of Police, Kolasib in kalh felin, thu leh awm hma chuan khawih chet awih a ni lo ang.
He thupek hian chhuah anih atanga ni 60 chhung a huam anga, dan bawhchhia an awm chuan Section 223 of Bharatiya Nyaya Sanhita, 2023 hmangin hrem an ni ang.
He thupek hi ni 13 March, 2025 ah Court Seal nen nemnghetin District Magistrate hian a hming a ziah hnan a ni.
