4666/2024-2025

Dated AIzawl: the 17th March 2025: Vawiin khan World Consumer Rights Day, 2025 chu Food, Civil Supplies &Consumer Affairs Department bul tumin thupui, “A Just Transition to Sustainable Lifestyles” hmangin Vanapa Hall-ah hman a ni a. He hun hi Pu B. Lalchhanzova, Food, Civil supplies & Consumer Affairs Minister chuan khuallian niin a hmanpui a, Aizawl Municipal Area chhunga 100% LPG Home Delivery kalpui thei hmasa ber leh awm chhun M/S Zothan Indane, Luangmual,, Aizawl te hnenah excellent performance in LPG Home Delivery Award a hlan nghal bawk a ni.

He hunah hian Minister Pu B. Lalchhanzova chuan kalkhawmte hmaah thusawiin, consumer-te dikna chanvo zau zawka inrhilhhriatna atan chuan social media hman tangkai thiam chu a pawimawh hle tih a sawi a. Hmasawnna ngelnghet (sustainable development) a lo awm theihna tur atan pawha consumer right chu thil pawimawh ber pawl a nih thu tarlangin, khawvel chu insumdawn tawnna hmanga kal a nih avangin Sumdawngte le anmahni dawrtute karah khi engmah awm lo va inring tawn leh dik taka an kalho tlan a pawimawh zawk ziate a sawi a. Chumi lamah chuan kalkhawmte chu tihdan tha midangte entawn atana chhawp h chhuaktu nih tum tura fuihin, mani dikna chanvo theuh humhalh tura tan lak chu mi tin mawhphurhna a nih thu a sawi a. Consumer right vawn himna chungchanga a kaihhnawih pawl leh Mizorama tlawmngai pawl hrang hrangte hmalakna fakawm a tih thu sawiin, theihtawp chuaha sawrkar thawhhopui zel turin a sawm nghal bawk a ni.

Hun hman hi Pu Lalchhanhima Sailo chuan a kaihruai a. Pi Teresy Vanlalhruaii, Secretary, FCS&CA Deptt. chuan kal khawmte lo lawmna thu sawiin, World Consumer Rights Day lo pianchhuah dan leh a thanchhoh dante a sawifiah a. Dr. James LT Thanga, Professor, Mizoram University chuan powerpoint presentation hmangin kumin World Consumers  Right thupui sawizauna leh mipuite zirtirna hun a hmang a. Hemi hnu hian Pu Lawmthanga,  Mizoram Poor Federation President hnen atangin Pro-poor Intervention on Ration, Card Rationalisation tih thupui hmangin thuchah tawi ngaihthlak a ni a. , Pi Saizikpuii, Director, FCS&CA chuan  lawmthu sawiin hun hi a khar a ni.