Kolasib District chhunga hnathawka awm Construction leh Engineering Company hrang hrang te chu vawiin khan DC Conference Hall-ah District Bawrhsap Pu H.Lalengmawia'n kohkhawmin an hnathawh dinhmun an sawiho.

District Bawrhsap chuan District Administration lam chuan Company hrang hrang Kolasib District a hnathawk te an hna tluang taka an thawh leh zawh hun tur bituk hunchhunga an zawh ngei theih a duh a ni a ti a. An hnathawh ti khaihlak leh muangchang tur zawnga mimalin emaw pawlin emaw hma an la a, pawisa an khawn thin a nih chuan District thuneitute hriattir thin turin a chah a. Hna tluang taka kalpui anih theih nan puih theihna awm apiangah puih an inhuam reng thu a sawi a ni.

Vawiin meetingah hian Company hrang hrang ten an hna a thawh lai mek te sawiin, huntiam hunchhunga zawh hman ngei an inbeisei thu an sawi hlawm a ni. Vawiinah hian Bairabi to Sairang rel kawng laih hna thawktu te, National Highway 54 kawng siamtute, Tuirial Hydel Project siam hnathawktute leh Lei dawh hna thawk mek tute kohkhawm an ni.