91/2026/2027

Kolasib, 8th April, 2026: Tunlai boruakah sorkar leh mipui tana harsatna thlen thei Petrol leh Diesel indaih lohna a awm theih avangin, Kolasib District Magistrate, Pu H. Dolianbuaia chuan Section 163, BNSS 2023 in thuneihna a pek angin thupek a chhuah.

He thupekah hian Kolasib District huam chhungah phalna nei lovin Petrol leh Diesel khawlkhawm leh hralh khap tlat a ni tih tarlan a ni. He ruahmanna hi mipui leh sorkar tana harsatna lian zawk a thlen loh nan leh, felfai zawk a dan ang taka Diesel leh Petrol hralhchhuah a nih theihna tura siam a ni.

District Magistrate thupek zawm lo leh bawhchhia te chu Section 223 BNS 2023 leh Section 23 of Petroleum Act 1934 hmanga man leh hrem theih an ni ang.

He thupek hi thupek chhuah a nih ni (6th April, 2026) atanga chhiarin thla hnih (2 months) chhung a huam dawn a ni.