90/2026-2027

Dated Serchhip, the 8th April 2026: Serchhip District Hospital-a damlo leh thawktute tana lirthei bengchheng leh thawm dang tih ziaawm a nih theih nan, vawiin khan Deputy Commissioner Pu Paul L. Khuma hovin thutkhawm pawimawh (meeting) neih a ni.

He meeting, DCs Meeting Hall-a neihah hian PWD Executive Engineer-in kawng siam dan tur ruahmanna (plan) leh a lem (map) te a tarlang a. Ngun taka ngaihtuaha, sawi ho a nih hnuin, hospital tana harsatna siam lo leh ram la hek lutuk lo zawnga kawng helna siam chu thil tul leh tha nia pawmtlan a ni a. Meeting zawhah hian a hmunah ngei kalin kawng lak tur chinte enfiah nghal a ni.

Vawiina Serchhip District Hospital Tuikhuah veng lam atanga hel dan tur ngaihtuahnaah hian NGO Co-ordination Committee, District leh Town VC, Serchhip Town Development Committee bakah Health department hotute leh sawrkar department aiawhte an tel a ni.