Vawiin chawhma khan Kolasib I &PR Conference Hall-ah District Consultative Committee (DCC), District Level Review Committee (DLRC) & District Level Security Committee (DLSC) chu Addl. DC Pu Laltanpuia Hnamte MCS kaihhruaina hnuaiah neih a ni.

He meeting ah hian Chairman Addl. D.C. Pu Laltanpuia Hnamte chuan thusawiin Bankers leh line Department kalkhawmte chu mipuite rawngbawl an nih hre thar turin leh Farmers te loan pekchhuah kawnga hma lazel tur in a fuih a, ATM lama harsat na awm thin chu mipui hman theih reng a pawimawh ani tiin, Kolasib khawpui chhung a ATM Booth chhe reng mai te hma la tur leh mipui te tan a awlsam zawk nan ATM Booth dah belh thei tura hmala turin Bank lam te a chah bawk a ni.

He Meeting-ah hian Pu  PK Sutradhar,  Lead District Manager, SBI Lead Bank Office Kolasib chuan kalkhawmte lawmna thu a sawi a. Pu Dhrubajyoti Das, Lead District Officer, RBI, Aizawl, Pu JD Traite District Development Manager NABARD Kolasib/Mamit  leh Pu Henry L.Hrahsel, Director RSETI, Aizawl ten thu an sawi bawk a. Meeting-ah hian NABARD te buatsaih Potential Linked Credit Plans(PLPs)-2019-20  for Kolasib district lehkhabu chu bawrhsap hian a tlangzarh nghal a ni. Meeting-ah hian nikum September leh December, 2018 Quarter chhunga Bank hrang hrangte hnathawh leh hmalaknate thlirletna neih a nih bakah hmachhawpte sawiho a ni.

Meeting tarlan dan chuan December ni 31, 2018 thlenga Kolasib District-a Bank hrang hrangte Credit Deposit (CD) ratio khaikhawm chu za zela 44.90% a ni a, hei hian CD Ratio bituk zat za zela  60 chu a phak lo  a ni.  Priority Sector tana loan pekchhuah zat chu za zela 74.87 a ni a, hei hian bituk za zela 40 chu   a khum a. Agricultural Segment hnuaia loan pekchhuah zat chu za zela 37.00% a ni a, hei hian bituk zat za zela 18 chu a khum bawk a ni. MSME sector hnuaia loan pekchhuah zat chu za zela 49% a ni a tin Others/services sector hnuaia loan pekchhuah zat chu 99% a ni bawk.

Vawiin meeting-ah hian quarter hmasa a Agenda te review a ni a. Tun meeting atan Agenda chhhawpchhuah 17 pawh chipchiar tak leh uluk taka sawiho a ni a. Bank hrang hrang ten an hmalak tawh leh an hmachhawp hrang hrang te report an pe bawk.