Vawiin khan District Court Complex, Kolasib ah Dan in a phalloh thil man khawm sa Damdawi(drugs) te leh thil sual tihna hmanrua chi hrang hrangte chu Chief Judicial Magistrate, Kolasib, Pu Liansangzuala thupek angin, Court leh mipui hmuh lai ngeiin halral a ni.

Heng bungrua halral hmaa programme tawite, Pu H Vanlalnghaka, President MJA Sub-Hqrs Kolasib District kaihhruaiah Kolasib Pu Jitender Yadav chuan hetianga dan in a phal loh thil tihchhiatna hian mipui te hnenah thil tisual lo turin zirtirna pe se tiin a duhthu a sawi a. Mizoram chu thil tha avangin hming tha se tiin a duhthu a sawi bawk.

Ruihhlo halral te hi Kolasib District Excise & Narcotics Department in an man Psuedoephedrine mum 42,28,900 (cheng 4,22,890 man hu vel), Nitrosun mum 1,60,000 (cheng 1,60,000 man hu vel) Parvon Spas mum 31,720 (cheng 3,17,200 man hu vel) te, Kolasib District Police tena an man Psuedoephedrine mum 4,80,000 (cheng 48,000 man hu vel) te an ni.