No.3111/2020-2020

Vawiin chawhnu khan DC Conference Hall, Kolasibah Zonal Executive Magistrate, Border Safety Monitoring Team leh Kolasib District chhunga Village Level Task Force hruaituten thutkhawmna neiin Dr. H. Lalthlangliana, Deputy Commissioner-in a kaihruai a, ‘State Dang Mi Chhawrlaite’ leh ‘Mikhual Chhinchhiahna’ sem nghal a ni.

Dr H Lalthlangliana chuan Kolasib district chu ramri thui tak nei a ni a, rawn pawn mi hnathawk a chhawrte leh mikhual paltlang khua engemaw zah awm reng a nih avangin chhinchhiahnabu felfai tak siam a pawimawh thu a sawi a, heng chhinchhiahnabute hi hri kai awm palh a inchhuiletna tur hmanraw tangkai tak a nih tur thu a sawi bawk a ni.

Vawiin thutkhawmnaah hian hripui dona kawng a Village Level Task Force hmalakna hrang hrang sawiho a ni a, ramri kan a nitin mamawh leh bungraw phur motor khalhtute swab sample endik a nih thin thu te, tangkhang leh thil tul dang avanga rampawn atanga motor-a lolut thin te chuanna motor chhinchhiah a nih tur thu te leh an tlan hun tur hunbi tuk chungchang sawihona neih a ni. A tul zual a hman theih turin Saiphai leh Phaisen kawng pawh hawn theih tur a ruahman nise tih sawiho a ni a, hemi atan hian Screening point pawh dah nise ti a rel a ni. Ram pawn atanga hnathawk lakluh chungchang leh khunghran dan turte chipchiar tak a sawiho a ni bawk.