Vawiin khan Kolasib DC Conference Hall ah kolasib district development co-ordination & monitoring committee (disha) chu Chairman Pu CL Ruala, MP (LS) kaihhruaina hnuaiah an thukhawm.

Thutkhawmah hian thutkhawm hmasa lama hmlakna tur hrang hrang bituk ho chu Department hrang hrang ina an hmalakna dan te thlirlet a ni a, heng zingah hian PMUY chungchangah SECC Data diklo avanga BPL lIst a awm tur awm ta silo te, SSA ina tui bill leh Mid-day meal chungchanga harsatna an tawh te, Kolasib District Hospital chu khum 60 atanga khum 100 a tihpun tura rawtna awm tawha hmalakna te bakah Kolasib a IMR san na chhan te an ni a. Heng kawng hrang hrangah te hian Department te chuan an hmalakna te an tarlang hlawm a, tun dinhmunah Kolasib leh Lawngtlai District chu Mizoram a IMR sanna ber District pahnih an ni.

He DISHA thut khawmah hian  DISHA thutkhawm hmasa lama thu rel bawh zui dan thlir ho a nih bakah, kumin January- May inkara Kolasib District chhunga hmasawnna hna hrang hrang thawh dan te thlir ho a ni a. Hna thawh tawha hlawhtlinna leh harsatna hrang hrang awmte sawi ho niin, a chin fel dan tur leh thawh zel dan tur ruahmanna leh rawtna te siam a ni. Kum 2018-19 atana department hrang hrangin action plan an siam chu thlir ho a ni bawk.

DRDA kal tlanga hna thawh Mahatma Gandhi National Rural Employment Guarantee Scheme (MGNREGS) hnuaiah hna chi hrang hrang 832 thawh a ni a, tunah hian Kolasib District pumpuiah Job Card 18275 a awm mek a ni.

 PMUY hnuaiah hian Kolasib District ah Free Gas Connection 1953 pekchhuah tawh a ni. Health Department hnuaia Measles-Rubella Campaign neih chu 101.55% hlawhtlinna hmuh ani a, hei hi target aia hlawhtlinna a san na chhan chu leilet enkawltu vai fa te(floating population) pawh vaccine an pek tel vang a ni. Malaria control Programme chu hlawhtling taka kalpui niin tun hnaiah Malaria avanga thi tumah an awmlo a ni.

 He’ng bakah hian Social Welfare Department hnuaia National Social Assistance Programme chungchang te, P&E Department hnuaia Deendayal Upadhyaya Gram Jyoti Yojana (DDUGJY) chungchang te, , PHED hnuaia National Rural Drinking Water Programme (NRDWP) leh Swachh Bharat Mission (Gramin) te, zirna kaihhnawiha hma lakna hrang hrang te, sawi ho a ni.

 He hunah hian Kolasib A/C bialtu MLA Pu PC Zoram Sangliana, Tuirial A/C Bialtu MLA Pu Hmingdailova Khiangte, Sawrkar Department hrang hrangte bakah Khawtlang hruaitute an tel tha hle  ani.