Vawiin chawhma dar 11:00 khan Serchhip Sub Headquarters YMA hnuaia Media & Documentation Sub Committee bul tumin YMA Branch hrang hranga Chanchinbu enkawltute tan Media Workshop buatsaih a ni.

He hunah hian Pu Vanlalchanchinthahrilmawia, Associate Proffessor, Govt. Serchhip chuan ‘Mizo tawng humhalh kawnga Media mawhphurhna leh Mizo tawng hman dik loh langsar zualte’ tih thupui hmangin zirtirna a pe a. Pu K. Saitluanga, MIS, DIPRO Serchhip chuan ‘YMA Chanchinbu Enkawl Dan’ tih thupuia hmangin zirtirna pein sawihona hrang hrang leh Serchhip Sub Headquarters huam chhunga Branch tin chanchinbu hmasawn dan tur rawtna te neih ho a ni.

He hun hi Pu Lalrammawia, Secretary, Sub Headquarters YMA chuan a kaihruai a, Mizo tawng hi humhalh ngai anih thu leh YMA chanchinbu enkawltuten mipuite hnena Mizo tawng dik tak an zirtir hi a tul hle a ni a ti. Pu Zonunsanga Kawlni, Chairman Media & Documentation Sub Committee chuan inlawmna thu sawiin, Pu R. Lalmuansuanga, Secretary, Media & Documentation Sub Committee chuan report a pe ani.

Attachment

  • Loading attachment...