4208/2024-2025

Dated Kolasib, the 12th February, 2025: Tukin khan Kolasib Town chhunga Village Council Inthlanpui, 2025 a polling station te chu Kolasib District Election Officer leh DC ni bawk , Pu Robert C Lalhmangaiha chuan a fang kual a. Polling station hrang hranga duty-te leh mipuite tan harsatna a awm leh awm loh endikna a nei nghal a ni.

Kolasib District ah hian Polling Booth 81 a awm a, VC 60 awmin, seat 288 a awm a. Town chhung bikah hian VC 15  awm in, report a a lan danin vawiin chhun dar 12 thleng khan Kolasib District chhungah vote 31.77% a tla tawh a ni. Uncontested, Kawnpui IV chhiar tel loh erawh chuan vote tla hi 33.91% a ni.

Vote hi tukin zing dar 7 atang khan thlak tan niin tluang vawiin tlai dar 4 ah khar a ni anga, Zan dar 7 ah vote te hi chhiar a ni ang.