2849/2024-2025

Dated Kolasib the 5 November 2024: Vawiin khan Kolasib District Election Officer Pu Robert C Lalhmangaiha chuan Sinlung Hills Council General Elections 2024 neih mek a polling station te a hmunah a tlawh chhuak.

Kolasib District Election Officer Pu Robert C Lalhmangaihna hian Saipum, Saiphai, Phainuam, Saihapui V North Chawnpui te tlawh in Polling Station a tlawhna hmunah boruak ralmuang tak hnuaiah inthlanna neih a ni chu lawmawm a tih thu sawiin, inthlanna buatsaihtu Official te leh Kohhran leh NGO te inthlan felfai tak neih  theihna tura an hmalakna fakawm a tih thu a sawi bawk.

Sinlung Hills Council inthlan hi vawiin khan neih niin, tukin zing dar 7:00 atangin Vote thlak tan ani a,  tlai dar 4:00 thleng vote hi thlak theih a ni. Zanin ah Vote tla te hi Constituency Headquarters Saipum PS 1 leh Saiphai PS 1 ah te chhiar nghal an ni bawk ang. 

Hriat theih chinah Kolasib district chhunga Saipum leh Saiphai constituency ah chuan vote thlak hi tluang taka neih ani a, dar 1:00 thleng khan Saipum Constituency ah Vote 1156 (50.37%) tla in Saiphai Constituency ah Vote 1258 (47.51%) a tla tawh.

Saipum Constituency ah hian Polling Station pathum awmin Voter 2295 an awm a, Candidate-4 an awm. Saiphai Constituency ah hian Polling Station 4 awmin Voter 2648 an awma, Candidate-6 an awm bawk.