Kolasib District Fire Prevention Committee chu an chairman District Bawrhsap Dr. Arun T., IAS hovin an hmalak tawhna te thlirin DC Conference Hall-ah an thukhawm.
Review meeting-ah hian Dr. Arun T. chuan Kolasib District-in Mizoram a kangmei vengtha ber lawmman a dawng thei chu District a official te, YMA, VC leh Media te thawhhona tha vang a nih thu sawiin, lawmawm a tih thu a sawi.
Vawiin thutkhawmah hian kangmei venna a hmalakna hrang hrang tarlan a ni a. Kangmei venna atan District Magistrate in order vawihnih a chhuah a, DFO in VC tinah lehkha a pek chhuah bakah YMA leh VC ten vantlang aurinna hmangin inzirtirna an pe thin bawk a ni. Vawiin meeting-ah hian Kangmei vengtha ber lawmman pawisa fai Rs.50,000/- dawn hmandan tur rel niin, kangmei ven inzirtirna leh inhrilhriatna a darh zau zel theih nana hmala tute hnenah hmalak zelna atan pek nise tiin a rel a ni.
