1484/2026-2027
Kolasib, 22nd July, 2026: Kolasib District chhungah ram pawn atanga dan lova kuhva lakluh ti tawp turin khapna thupek vawi tam tak chhuah a ni tawh a, theih tawpa hma lak mek a ni. Ministry of Home Affairs, Govt. of India leh Home Department, Govt. of Mizoram pawhin heng dan lova kuhva rah lakluh khap a tul thu an lo tarlang tawh bawk a ni. Kolasib District huamchhungah pawh heng dan kalha hmalakna awm thei chi reng reng uar zawka khap a tul avangin, Kolasib District Magistrate Pu H. Dolianbuaia chuan Section 163 of Bharatiya Nagarik Suraksha Sanhita, 2023 in thuneihna a pek angin a hnuaia mi ang hian mipuite zawm tur khapna thupek a chhuah a ni:
1. Kolasib District huamchhungah dan phal lohvin kuhva rah tumahin an phur lut tur a ni lova, a paltlang nan an hmang tur a ni hek lo.
2. Kolasib District huamchhungah mi tumahin ram pawn atanga lakluh kuhva (Burmese Areca nut) dah khawlna (Godown/Kudam) an siam tur a ni lo. Godown lo awmsa tawh te pawh Superintendent of Police, Kolasib in kalh felin, thu leh awm hma chuan khawih chet awih a ni lo ang.
He thupek hian chhuah a nih atanga ni 60 chhung a huam ang a, dan bawhchhia an awm chuan Section 223 of Bharatiya Nyaya Sanhita, 2023 hmangin hrem an ni ang.
