Vawiin khan Hmar veng Hall,  kolasib ah 14th inter- office sports meet,  kolasib District chu   Bawrhsap Pu R Zarzosanga'n a hawng.

Hawnna inkhawm ah hian khuallian chuan thu sawiin infiamna chu mihring taksa hriselna a tan a pawimawh a, kum upat hnu ah leh Office hna thawhna kawngah pawh taksa insawizawi peih leh infiamna ngaina mi chu an  taksa bakah an ngaituahna a fim in a hrisel a ni a ti.

Inter-office sports meet chu Department hrang hrang a hnathawkte inhmelhriat that zawk nan leh thawhhona kawnga tangkai na a neih a beisei thu sawiin sports meet chu hlawhtling taka hman a nih theih nan duhsakna a hlan a ni.

He sports meet ah hian discipline hrang hrang heng badminton, chess,  carrom board,  tug of war,  draught,  table tennis leh Chinese checker te khelh tura huaihawt niin, October ni 20 a zawh fel tur a ni. He sports meet hi felfai leh hlawhtling taka neih a nih theih nan  kolasib District Badminton Association chu huaihawt tir an ni.