Lungleia Pawl sawmpahnih zirlaite tana buatsaih  Awareness Campaign on NEET/JEE chu vawiin khan Saikuti Hall, Lunglei ah neih a ni. 

He hun hi SSA Lunglei Distric Project Coordinator Pu Micky R. Lalenkawlan a kaihruai a, he hunah hian Lunglei khawpui chhunga Higher Secondary School hrang hrang atangin pawl 12 zirlaite an tel a ni. Vawiina Exam chungchang zirnaah hian mithiam thlanbik pahnih Pu Lalduhkima, Higher & Technical Dept. Aizawl leh Pi Lalrinpuii,  Bangalore ten NEET leh JEE bakah Exam hrang hrang hmachhawn dan tha an zirtir a, hei bakah hian Zirlai ten Zirna loan an puk theih dan kalhmang leh Scholarship online hmanga dil dan te pawh an zirtir nghal a ni. 

He awareness campaign  hi hun hnihah then niin chawhmalamah Science zirlai te tan bik zirtirna pek a ni a, chawhnu lamah Arts leh Commerce zirlai te tan hun hman leh a ni. He hun hi Lunglei East Bialtu MLA Pu Joseph Lalhimpuia hmalaknaa buatsaih a ni.